Udhëzime editoriale
Misioni ynë
Rural Digital Voices është një platformë e pavarur që synon të fuqizojë zërin e komuniteteve rurale në Kosovë. Ne besojmë se çdo qytetar ka të drejtë të dëgjohet dhe se teknologjia duhet të shërbejë si mjet për pjesëmarrje qytetare, transparencë dhe llogaridhënie.
Parimet editoriale
Në çdo përmbajtje që publikojmë udhëhiqemi nga këto parime:
- Saktësia – Çdo informacion verifikohet para publikimit.
- Pavarësia – Platforma nuk ndikohet nga interesa politike, ekonomike apo personale.
- Paanshmëria – Raportojmë faktet duke paraqitur këndvështrimet e të gjitha palëve të përfshira.
- Transparenca – Shpjegojmë metodologjinë e verifikimit dhe korrigjojmë gabimet nëse ato identifikohen.
- Respekti për të drejtat e njeriut – Respektojmë dinjitetin, privatësinë dhe të drejtat themelore të çdo personi.
Si trajtohen raportimet?
Çdo raportim i dërguar nga qytetarët:
- Regjistrohet në sistem.
- Shqyrtohet nga ekipi editorial.
- Verifikohet përmes dokumenteve, fotografive, videove ose burimeve të tjera të besueshme.
- Nëse është e nevojshme, kontaktohen institucionet përgjegjëse për koment.
- Publikohet vetëm pasi informacioni të jetë verifikuar.
Platforma nuk garanton publikimin e çdo raportimi. Publikohen vetëm rastet që përmbushin standardet tona editoriale.
Politika e korrigjimeve
Nëse konstatohet ndonjë pasaktësi, ajo korrigjohet sa më shpejt të jetë e mundur. Korrigjimet bëhen në mënyrë transparente pa fshehur ndryshimet e rëndësishme.
Privatësia dhe siguria
Respektojmë konfidencialitetin e personave që raportojnë. Me kërkesën e tyre, identiteti mbetet anonim. Të dhënat personale nuk publikohen pa pëlqimin e tyre, përveç rasteve kur kërkohet me ligj.
Gjuha e urrejtjes dhe dezinformimi
Nuk publikojmë përmbajtje që:
- përmban gjuhë të urrejtjes;
- nxit diskriminim ose dhunë;
- përhap dezinformata apo pretendime të paverifikuara;
- cenon privatësinë ose dinjitetin e individëve.
Pavarësia financiare
Projekti financohet nga donatorë që mbështesin demokracinë digjitale dhe pjesëmarrjen qytetare. Financimi nuk ndikon në zgjedhjen e temave, procesin e verifikimit apo përmbajtjen editoriale.
Kontakti
Nëse dëshironi të raportoni një problem, të kërkoni korrigjim ose të na kontaktoni për çështje editoriale, mund ta bëni përmes formularit në platformë ose adresës sonë elektronike zerat.digjital@gmail.com.
Zërat digjitalë të fshatrave 